المقادير
2 دجاجة وسط ممكن اقل علي حسب العيله
التتبيله
بصلتين - 10 فصوص ثوم - 1 قرن شطه خضراء - كوب زبادي - 2 طماطم - بهارات - ملح و فلفل وكاري - كمون - 3 ملاعق خل او ممكن بدلها 3 ليمون
الطريقه
نغسل الدجاج كويس اوي ونقطع الدجاجة 6 قطع ونشرحها كويس بالسكينه عشان التتبيله تدخل جواها ونضرب المقادير اللي فاتت في الخلاط و بعدين نتبل الدجاج فيها ليله كامله بتبقي احلي بعدين نحضر صينية الفرن ونفرش في الصينيه طبقه بصل طرنشات ونرش عليها ذرة ملح و فلفل اسود وبعدين نرص طرنشات بطاطس و عليها برضه رشة ملح وفلفل وبعدين نرص الدجاج وبعدين ضيفت ملعقتين زيت و2كوب ماء صغير ونغطيها بورق فويل وعلي الفرن علطول لحد لما تغلي شويه وبعدين نهدي النار علي 170 لمده ساعه وربع وبعدين نكشفها ونعلي النار عشان تشرب ميتها وتتحمر وممكن نشغل الشوايه لحد ما تتحمر وبعدين نسخن فحم اوي ونحطها في ورقة فويل زي الطبق ونضيف نقطتتين زيت ولما تدخن نغطي الدجاج بالفويل تاني عشان تاخد ريحة الفحم وتقدم وبالهناا.
ليست هناك تعليقات:
إرسال تعليق