فتة عكاوى المقادير 1 كيلو عكاوي مقطعة - 1 بصلة - 1 طماطم - 1 جزرة - حبهان - مستكة - ورق لوري - بهارات لحمة - فلفل اسود - رشة قرفة - رشة جنزبيل - رشة سكر - 2 مكعب ماجي لحمة - ملح - ثوم مفروم - خل - أرز مستوى ابيض - عيش مقلي - صلصة الفتة حسب الرغبه الطريقة نسلق العكاوي في حلة نضع سمنة أو زبدة والحبهان ومستكة وانزل العكاوي اشوحها لحد لما لونها يتغير وبعدين أضيف التوابل كلها ورشة السكر واشوحها تاني شوية وبعدين أضيف ماء ساخن كتير والخضار و اسيبهم يغلوا مع بعض لحد تمام السوي بعدين نضيف الماجي والملح ولو لسة مستوتش ازود حبة ماية وهكذا لحد لما تستوي هي بتاخد وقت وفي حلة تانية نضع مكعب زبدة واشوح فيها الثوم لحد اول ما يذبل ثم انزل الخل واقلبه شويه بعدين نضيف 2 كوب شوربة العكاوي أو أكثر حسب الرغبة و اسيبهم يغلوا مع بعض شويه وفي طبق التقديم نضع عيش بعدين أرز بعدين عيش بعدين أرز واسقيهم بشوربة الثوم ونضع عليهم العكاوي و الصلصة اختياري وتقدم ساخنة ومع تحياتى دعاء عاشور وبالهنا