المقادير
2 كوب سكر- 2/3 كوب ماء - 7 حبات فراولة - 1 ملعقة كبيرة عسل نحل - 1 ملعقة صغيرة خل - شفاطات بلاستيك للمصاصات - قوالب اشكال للبونبونى
الطريقة
أول حاجة نأخد الفراولة مع الماية فى حلة تغلى مع بعض لغاية ما الماية تأخد اللون و الطعم من الفراولة بعد كدة نصفيها و نأخد 2/3 كوب من الماية الناتجة ونحط الماية اللى بقا لونها أحمر و معاها معلقة العسل والسكر و الخل فى الحلة ونقلبهم و نحطهم على نار هادية فى الوقت ده نحضر القوالب اللى هنحط فيها البونبونى و المصاصات
أنا عندى قوالب سليكون صغيرة أستخدمتها للبونبونى
و علشان المصاصات وحطيت ورق فويل و دهنته زيت و مسحته بمنديل علشان أعمل المصاصات وكل شوية نقلب بشويش لحد ما كل السكر يدوب خالص ( حوالى 1/4 ساعة )
بعد ما نتأكد أن السكر داب نعلى النار و نسيب الخليط يغلى حوالى خمس دقايق أو أكتر شوية و نخلى جنبنا كوباية ماية ساقعة كل شوية نأخد بمعلقة صغيرة من الخليط اللى على النار و نحطه فى الكباية لو فضل طرى يبقا لسة لو بقى جامد يبقى كدة خلاص وناخده بسرعة على حمام ماية ساقعة لمدة 10 ثوانى و بعدين نصبه فى القوالب وعلى الفويل نكون حطين الشفاطات البلاستيك و نصب عليها بسرعة قبل مايتجمد بس كدة نسبهم لما يبردوا و نشيلهم من القوالب ويقدم لاطفالنا وبالهنااااا.
ليست هناك تعليقات:
إرسال تعليق