كسكسى مغربى

‫#‏مطبخ_دعاء_عاشور‬
المقادير
2 ونصف كوب ماء - 2 كيلو دقيق - 1 معلقة صغيرة ملح - 1 معلقة كبيرة سكر - 1 معلقة صغيرة خميرة - 1/2 كيلو لبن

الطريقة
هندوب معلقة ملح فى 2 كوب ماء ومعلقة صغيرة خميرة ومعلقة كبيرة سكر فى نصف كوب ماء هنضيف كوبين الماء المذاب فيهم الملح على الدقيق ونفركه كويس جدا وبعدين نضربه فى الخلاط هنجيب حلة نملاها ماء و توضع على نار وهنثبت فوقيها مصفاه و هنجيب قطعة قماش نظيفة ونلف فيها العجين كويس و توضع فى المصفاه لمدة نصف ساعة ( حمام بخار ) وهنرفع العجين من على النار ونخرطه كويس بسكينة ونلفة فى القماشة تانى ويرجع فى المصفاه على البخار لمدة ربع ساعة وبعد ربع ساعة هنكرر العملية هنطلع العجين نخرطه تانى ويرجع فى المصفاه لمدة ربع ساعة آخرى وهنرفع العجين من على النار وهنضيف عليه نصف كيلو لبن ساقع ويترك لمدة 3 دقائق وبعد كده هنضيف نصف كوب الماء الى دوبنا فيه الخميرة والسكر ونضرب المقادير فى الخلاط تانى وهناخد نصف كمية الخليط ونلفة فى القماشة تانى ويوضع فى المصفاه على البخار لمدة 20 دقيقة وهنكرر العملية مع نصف كمية الخليط الباقية وهنضيف نصف كوب سمنة سايحة على الكسكسى ونقلبه كويس وبكده يبقى جاهز للتقديم

* ملاحظات
ممكن نرش على الكسكسى سكر بودرة ومكسرات وجوز هند ويقدم كطبق حلو أو يقدم كما هو كطبق رئيسى ومع تحياتى دعاء عاشور وبالهنا...