المقادير
1/ 2 كيلو دجاج ( صدور أو أوراك ) - 1/ 2 لفة جلاش - زبدة - زيت - بصلة كبيرة - 2 عود قرفة - 3 ورقات لاورا - ملح وفلفل - فصين ثوم - حبة حبهان - بقدونس مفروم
الحشو
3 بيضات - بصلة كبيرة - ملعقتين زيت - حبة فلفل حامي - فصين ثوم مفرومين - ملعقة كبيرة جنزبيل - ملعقتين عصير ليمون - كزبرة مفرومة - بقدونس مفروم - كوب جبن رومي أو شيدر- ملعقة صغيرة ( ملح - كمون - كركم - كزبرة - فلفل أسود )
الطريقة
1 - حطي الدجاج في مية مغليه على نار وبعدين حطي البصل والقرفة واللاورا والملح والفلفل والحبهان والبقدونس والثوم وسيبيها على نار متوسطة لحد ما الدجاج يستوي
2 - ارفعي الدجاج من الشوربة وسبيها تبرد وبعدين قطعيها قطع صغيرة
3 - حطي الزيت في طاسة وشوحي فيه البصل والثوم والجنزبيل والفلفل لحد ما البصل يدبل وبعدين حطي الدجاج وسبيها على النار شوية
4 - تبلي البيض بالتوابل وعصير الليمون وحطي البقدونس والكزبرة والجبنة وقلبي المكونات مع بعض وبعدين حطي معاهم خليط الدجاج وخلي بالك ماتكتريش الملح علشان الحشوة فيها جبنة
5 - قلبى الزيت مع الزبدة في طبق واستخدميهم في دهن طبقات الجلاش
6 - لتحضير القالب
ادهني أوراق الجلاش بخليط الزيت والزبدة ورصيها في القالب وخلي أطراف الجلاش خارجة بره القالب
7 - بعد ما تخلصي كل الجلاش وزعي الحشوة فيه وغطيه بأطراف الجلاش اللي خارج القالب وادهنيه بالزبدة ودخلي القالب في الفرن لمدة 25 - 30 دقيقة لحد ما وشها يبقى لونه دهبي
8 - بعد ما تستوي خرجيها من الفرن وسيبيها تبرد شوية وبعدين اقلبيها في طبق التقديم وقدميها مع تحياتى دعاء عاشور وبالهنا ..
ليست هناك تعليقات:
إرسال تعليق