المقادير
3 كوب ارز بسمتي - 1/2 كيلو لحمة مفرومة - 3 فصوص ثوم مفروم - 1/ 3 كوب بقسماط - بصله - 3 كوب ماء - 1/ 2 ملعقة صغيرة كزبرة - كركم - حبهان مطحون - شطة - قرفة - زعفران-1/ 4 كوب دقيق - ملح وفلفل - بيضة
لعمل خليط الكرنب
حبة كرنب صغيرة مفرومة - 1/ 2 كوب كزبرة مفرومة - 2 ملعقة كبيرة شبت مفروم - ملعقة صغيرة كركم - بصله مفرومه - 2 ملعقة كبيرة زيت - ملعقة صغيرة كمون - 1/ 2 كوب زبدة - ملح وفلفل
الطريقة
1-اغسلي الرز كويس وانقعيه في مايه بملح لمدة ربع ساعةوانقعي الزعفران في شوية مايه
2- بعد كده جهزي الكفتة وده بإنك تقلي اللحمة والبقسماط والبصل والثوم والبيضة والملح والفلفل والقرفة والكزبرة والكركم والحبهان والشطة وتعجنيهم كويس أوي
3-شكلي الكفتة على شكل كرات صغيرة وبعدين غطيهم بطبقة خفيفة من الدقيق واقليها في الزبدة عدة دقائق لحد ما يبقى لونها دهبي وبعدين ارفعيها
4- في نفس الطاسة شوحي البصل لحد ما يبقى لونه دهبي وبعدين ضيفي الكرنب تدريجياعلشان تعرفي تقلبيه وشوحيه على النار لحد ما يدبل وضيفي الكزبرة والشبت وتبليه بالملح والفلفل والكركم والكمون وقلبيهم كويس
5-سخني المايه في حلة وضيفي عليها ملعقة كبيرة ملح وزيت وكركم وسيبيها تغلي وبعدين ضيفي عليها الرز وسيبيه يغلي شوية لحد ما الرز يستوي نصف تسوية وقبل ما يستوي تماما صفيه من المايه
6- قلبى الزبدة وماية الزعفران وحطي منهم شوية في حلة وبعدين ضيفي عليهم طبقة من الرز وبعدين طبقة من الكرنب وجزء من الكفتةوعليها طبقة خفيفة من الرزوبعدين طبقة الكرنب وباقي كمية الكفتة وفي الآخر حطي باقي كمية الرز وباقي كمية خليط الزبدة والزعفران
7- غطي الحلة وسيبيها على نار عالية لمدة دقيقتين وبعدين هديء النار وسيبيها لمدة 30 دقيقة لحد ما كل يستوي وحطي الرز في طبق التقديم وقدميه .....بالهناا..
ليست هناك تعليقات:
إرسال تعليق