المقادير
كيلو دقيق منخول - قطعة صغيرة خميرة - معلقة صغيرة بيكنج باودر- معلقتين صغيرين سكر- معلقة صغيرة ملح - نصف كوب سمنة سايحة - نص كيلولبن رايب
الطريقة
هنحط كلة على بعضة ماعدا اللبن الرايب ونفرك بادينا لحد الدقيق مايشرب السمنة وهنضيف اللبن الرايب حبة حبة ونعجن كويس جدا وهنغطيها و نسيبها تخمر ساعة فى مكان دافى وهنقسم العجينة كور صغيرة ونبططها بس متخليهاش رفيعة قوى ونرصهم فى صينية مدهونة سمنة بسيطة هنسيبها تخمر تانى ساعة كدة وندخلها الفرن السخن على 190 لحد ماتبقى دهبى من تحت نطفى ونولع الشواية عشان تحمر من فوق وعلى ماتستوى نكون جهزنا صينية قرص تانية ونحطها مكانها وهكذا لحد ما المقدار يخلص اهم حاجة ان كل صينية قرص تطلع نحط القرص وهى سخنة فى حلة غويطة ونغطيها عشان تبقى طرية ونقدم مع تحياتى دعاء عاشور وبالهناا..
ليست هناك تعليقات:
إرسال تعليق