سمك قاروص محشى بلسان العصفور المقادير 1 عدد سمك قاروص وزنها 1 كيلو مفتوحه من الظهر من تحت الراس لمنتصف الظهر - 2 كوب لسان عصفور - بصلة مقطعه جوانح- 1 معلقة توم مهروس - 4 فص ثوم - فلفل اخضر رومى - قرن فلفل شطه - جزرة مبشورة - كسبرة مفرومه - 1 معلقة صغيرة ملح - كمون - 1 معلقة صغيرة سكر - عصير ليمون - 1 معلقة خل - 1 عود كرفس مفروم - زيت الطريقة تفتح السمكة من الخلف من تحت الرأس لمنتصف الظهر وتنظف من هذه الفتحة و تغسل من الداخل و تجفف وفى طبق نضع ملعقة كبيرة من التوم المهروس وعليها نصف معلقة ملح و الكمون و الكزبرة الجافة و عصير الليمون والخل ونقلبهم كويس جداً و نتبل قلب السمكة من الداخل جيدا و نتركها على جنب لتحضير الحشوة في طاسة علي النار نضع معلقتين زيت ولما يسخن نضيف البصل حتي يذبل ونضيف السكر حتي ياخذ لون مكرمل ثم نضع البصل في طبق جانبي و مكانه نضيف معلقتين زيت ونضع اللسان عصفور ونحمرة حتي ياخذ لون ذهبي وننزل عليه بالجزر المبشور ونشوحه قليلا ثم نضيف البصل المكرمل ومعلقة توم ونضيف نص معلقة ملح وبعد التشويح ونضيف كوب و نص مية مغلية ونغطي عليه ونتركه حتي يتشرب تماماً وبعدها نطفي النار وليترك 15 دقيقه ونحضر صاج للفرن نبطنه بورق زبدة وندهن عليه زيت ثم نضع السمكه بحيث تكون فتحة الظهر للاعلي ونحشي بداخلها اللسان عصفور ثم نرش علي السمكة من الخارج قليل من الزيت ونضع معها الكرفس وشرائح الليمون ونغطيها بالفويل وتدخل الفرن الرف الاوسط علي حرارة 200 لمدة 30 دقيقه حتي تستوى وبعدها نكشف الفويل ونضع السمكة تحت الشواية لمدة ثواني لكي تتحمر وتقدم ومع تحياتى دعاء عاشور وبالهنا.