جبنة قديمة فى البيت

‫#‏مطبخ_دعاء_عاشور‬
نجيب برطمان ونحط فيه خميرة مش يعني نملي ربعه مثلا من عند حد يكون عمله سابفا
ونجيب جبنه قريش وبحيث ان الخرطه تبقي متوسطة الحجم ونحطها في مصفاه ونرش عليها ملح وفلفل ارنقوطي ( من عند العطار ) ونسبها اربع ايام لما تطلع الميه الي فيها كلها ثم نحطها علي المش ونجيب المرته الي بتطلع من تسييح الزبده ونحط عليها كيلو لبن فاتر ونحط معلقة كمون ونحطهم علي المش ثم نرش القليل من الدينكار ( بيتجاب من عند العطار ) علشان ده علاج بيمنع الدود ونقفل البرطمان باحكام ونسيبها علي الاقل 6 شهور

* ملحوظه
لو عندك جبنه رومي ناشفت حطيها وكل لما تسيحي زبده حطي المرته
لو مره غليتي لبن عندك ولقتيه جبن اي راب حطيه علي المش
تقدم مع طماطم وفلفل حامي مقطعين قطع صغيره وعليهم طحينه وزيت ومع تحياتى دعاء عاشور وبالهنا.