#قمر_البيت_لكل_ست_بيت
كان فيه بنوته كتكوته اسمها سهيلة وكانت ماما بتقولها ياسوسو
سهيله كانت فرحانه انها اخدت الاجازة
وقالت لماما انا حطلب اكل جاهز من بره البيت علشان احتفل ان انا اخدت الاجازه ماما قالتلها لا ياسوسو تعالى معايا المطبخ نعمل الاكل احسن طبعا من الاكل جاهز سوسو دخلت مع ماما المطبخ وهى زعلانه ومش عاجبها وسالت ماما حتعملى اكل ايه النهارده ماما قالتلها حعمل بطاطس
سوسو غضبت وقالت يووووووووه كل شويه ناكل بطاطس انا زهقت ماما زعلت منها وقالتلها كده حرام ياسوسو دى كلها نعمه ربنا وبعدين سوسو وهى واقفه مع ماما فى المطبخ سمعت صوت اطفال البواب بيعيطوا وبيقولوا
احنا جعانين اوى ياماما ومامتهم بتقولهم حاضر دلوقتى يجيلنا فلوس او اى رزق وحروح اجبلكم شويه فول وعيش
وسمعت العيال فرحوا وقالو هييييييييييه وقالوا يارب تبعتلنا فلوس علشان ناكل
سوسو قالت لماما انا طلعت وحشه اوى شوفى الاطفال دول فرحانين باى اكل وانا زعلانه انك حتعملى بطاطس ولحمه
ماما قالتلها لازم تشوفى وتعرفى علشان تعرفى انى انتى فى نعمه وتحمدى ربنا وتساعدى المحتاج
سوسو قالت فعلا ياماما ان مكنتش اعرف ان فيه ناس غلابه اوى كده
انا فرحانه انى سمعتهم علشان اتعلم واقدر اساعدهم كمان ومن هنا ورايح ياماما مش حقول على اكل لا حقول الحمد الله على النعمه واشكر ربنا
سوسو قالت لماما ايه رايك ياماما لو نزلت للااطفال الغلابه دول اكل من الى احنا عملناه ماما قالتلها برافو عليكى ياسوسو لانك حسيتى بيهم وعاوزه تساعديهم يلا اتفضلى احلى اكل نزليه وطبعا حتاخدى ثواب كبير ونزلت سوسو تجرى وفرحانه
وقالت للااطفال اتفضلوا الاكل ده هديه منى ليكم بالف هنا ليكم ياحلوين الاطفال طبعا فرحوا اوى وقالولها شكرا ياسوسو ده احنا كنا جعانين اوى ومامتهم قالتلهم قولوا الحمد الله ان ربنا بعتلكم رزقكم وسمو الله قبل ماتاكلوا قالولها حاضر ياماما سوسو طلعت شقتها
وقالت لماما انا فرحانه خالص ياماما انى قدرت ابسط الاطفال دول وده اكيد درس ليا علشان اعرف ان فيه ناس فقراء كتير نفسهم فى النعمه الى مش عجبانى انا كل يوم ححوش من مصروفى واساعدهم ماما قالتلها برافو عليكى ياسوسو وان شاء الله فى رمضان كمان تنزلى لهم الفطار وتخدى ثواب كبير سوسو ضحكت وقالت لماما فين البطاطس بقى انا حبيبتها كتير على فكره بقت احلى اكله عندى ماما قالتلها يلا بابا جه وحنقعد نتغدى مع بعض
سوسو قعدت مع ماما وبابا وهى مبسوطه واكلت معاهم وسمعت باباها بيقول الحمد الله والشكر لله اللهم ما ديمها نعمه واحفظها من الزوال قالت يارب قالت احنا فعلا معانا نعم كتيره الحمد الله قالتله ربنا يخليك لينا يابابا وتسلم ايديك يااحلى ماما...
ليست هناك تعليقات:
إرسال تعليق